တကယ်လို့ ကိုယ်က ခရီးသွားရတာကို နှစ်သက်တယ်။ လူစုလူဝေးတွေ၊ လူအုပ်လိုက်ကြီး ရှုပ်ထွေးတိုးဝှေ့ နေရတာကို ရှောင်ချင်တယ်ဆိုရင် အခုလိုအချိန် က အကောင်းဆုံးပါပဲ။
အထူးသဖြင့် သဘာဝတရားကိုအကောင်းဆုံးခံစားနိုင်တဲ့ ၊စိတ်တွေအေးချမ်းပြီး တဖန်ပြန်လည်နုပျိုလန်းဆန်းစေတဲ့ ကမာကူရ ဘက်ကိုခရီးထွက်မယ် ဆိုရင် အခုလို မိုးဦးကျ အချိန်မှာ ဂျပန်စတိုင်ထီး အကြည်လှလှလေး
တစ်လက်/ အပေါ့စား Raincoat လေးတစ်ထည် လိုလိုမယ်မယ်ထည့် ပြီး စိတ်အေးလက်အေး အလည်အပတ် ထွက်သင့်ပါတယ်နော်။
တိုကျိုကနေ လျှပ်စစ်ရထား Enoden စီးသွားလို့ တစ်နာရီလောက်ကြာရင် ပစိဖိတ်သမုဒ္ဒရာ ကမ်းခြေက ကမာကူရမြို့ကိုရောက်ပါပြီ။
ကားနဲ့လည်းသွားလို့ရပေမဲ့ Tokyo -Kamakura ရထားလမ်းတလျှောက်က View အတော်လှလို့ Recommend ပေးပါတယ်။
ကမာကူရရောက်ရင် မဖြစ်မနေ လည်ပတ်သင့်တဲ့နေရာတွေက တော့
1. Hasedera Temple
မိုးဦးကျမှာ ပွင့်လာတဲ့ Hydrangea (Aji Sai) ပန်းရောင်စုံတွေ နဲ့ လှပအေးချမ်းတဲ့ ဗုဒ္ဓဘာသာဘုရားကျောင်းဖြစ်ပါတယ်။ ကြီးမားတဲ့ သစ်သားဆင်းတုတော်စံပယ်လျက်ရှိပြီး၊ ဘုရားကျောင်းဝန်း တခွင်မှာ သစ်ပင် ပန်းမာလ် ရေကန် ၊ရေကျသံ လေးတွေနဲ့ စိတ်ကို ပကတိငြိမ်းချမ်းစေပါတယ်။ အဲဒီကနေ ပစိဖိတ်သမုဒ္ဒရာ ရဲ့ အလှကို ကုန်းမြင့်ပေါ်ကနေ ကြည့်ရှုခံစားနိုင်ပါတယ်။ ထန့်စမ်းဂူလိုမျိုး ရဟန်းတပါးကျင့်စဉ်အားထုတ်ရာ ဂူလည်းရှိပါသေးတယ်။
.
2. The Great Buddha (Daibutsu)
ကမာကူရဆုတောင်းပြည့်ဘုရားလို့ မြန်မာတွေ အားလုံးသိကြတဲ့ ကြေးသွန်းရုပ်ပွားတော်ကြီး ကိုတော့ မဖြစ်မနေဝင်ဖူးပါနော်။ ဂျပန်နိုင်ငံရဲ့ iconic ဖြစ်ပြီး ၁၁မီတာ အမြင့်ရှိတဲ့ အမိုးအကာ မရှိ တရားထိုင်နေဟန် ဗုဒ္ဓရုပ်ပွားတော်ကြီးပါ။ အမိုးအကာ တည်ဆောက်ပေးထားရင်ရာသီဥတုပြင်းထန်မှုဒဏ်
ကြောင့် မကြာခဏ ပျက်စီးရတယ်လို့လည်း ပြောကြပါတယ်။ ဘုရားအတွင်းဘက်ကိုယ်ထဲမှာ ပြခန်းတည်ရှိပြီး ဝင်ရောက်ကြည့်ရှုလို့ရပါတယ်။ ဘုရားမဖူးမီ လက်ဆေးရန် ခံတွင်းသန့်စင် ရန် ဝါးလုံးလေးတွေက ကျဆင်းနေတဲ့ ရေ ကို အသုံးပြုကြပါသေးတယ်။
3.Komachi Street
Kamakura Station နားက Komachi Street မှာ အလွန်ချစ်စရာကောင်းတဲ့ အမှတ်တရပစ္စည်းဆိုင်တွေ တွေအပြည့်ပါပဲ။အမှတ်တရလက်ဆောင်ပစ္စည်းဆိုင်တွေ၊ handmade ဆိုင်တွေက မြင်တာနဲ့ လိုချင်စရာ ဝယ်ချင်စရာတွေချည်းပဲမို့ဟိုဟိုဒီဒီလျှောက်
ကြည့်ခဲ့ပါအုံး။ဒေသစာ ၊ Street Food နဲ့ ရိုးရာမုန့်ချို တွေကိုလည်း ဈေးတန်းမှာ မြည်းစမ်း လို့ရပါတယ်။
4. Yuigahama Beach
လျှောက်လည်ရတာ မောလာတဲ့အခါ အပြန်မှာ အချိန်ရရင် ကမ်းခြေမှာ လမ်းလျှောက်ရင်း ၊ ကော်ဖီဆိုင်လေးမှာ ထိုင်ရင်း ပစိဖိတ် သမုဒ္ဒရာကြီးရဲ့ အလှကို ငေးမော လို့ရပါသေးတယ်။
အသက်ဝင်နေတဲ့ ဟိုက္ကုကဗျာလေး ထဲမှာ လမ်းလျှောက်နေရသလိုမျိုး၊
မိုးနေ့တစ်နေ့မှာ ကမာကူရ ကို သွားဖြစ်အောင်သွားကြည့်လိုက်ဖို့
Zuu&Hein Tour Japan က ဖိတ်ခေါ်လိုက်ပါတယ်။
Zuu&Hein ဆိုတာ ဂျပန်နိုင်ငံခရီးသွားဝန်ကြီးဌာနအသိအမှတ်ပြု Outbound and Inbound လိုင်စင်ရ တရားဝင် ခရီးသွားအေဂျင်စီ ဖြစ်ပါတယ်။
ဂျပန်ရောက်မြန်မာလူမျိုးဦးစီးတည်ထောင် ထားပြီး ဂျပန်ခရီးစဉ်အလည်အပတ်အတွက်ဆိုရင်
မြန်မာနိုင်ငံမှ ဧည့်သည်များသာမက ကမ္ဘာအရပ်ရပ်မှ မြန်မာဧည့်သည်များကိုပါ လိုလေးသေးမရှိ ပို့ဆောင်ပေးနေတာကြောင့် စိတ်ချယုံကြည်စွာ ဆက်သွယ်လိုက်ပါနော်။
Zuu&Hein Tour Japan နဲ့အတူ
ဂျပန်နိုင်ငံ ခရီးစဉ်များကို အလှပဆုံး အမှတ်တရအဖြစ် ဖန်တီးလိုက်ရအောင်
